ಚುಟಕಗಳು - ಮೌನ ಮಾತು

೧

ಮಾತು ಅದುವೆ

     ರವಿಕಿರಣ

ಮೌನವಾದರೊ

      ಶಶಿಕಿರಣ.

೨

ಮೌನ ಮಾತನಾಡುವುದು ಕಷ್ಟ

ಮಾತು ಮೌನವಾದರೂ ಕಷ್ಟ

ಮೌನ ಮಾತುಗಳೆರಡರ ಮಿಳಿತ

ಇರುವುದದರಲ್ಲೇ ಗೆಳೆತನದ ಸೆಳೆತ

೩

ಮೌನಿಯೆಂದು ತಿಳಿದು ಬಳಿ ಬಂದೆ ಆಡುತ ಮಾತು

ಅವೆಲ್ಲವೂ ಒಂದೊಂದು ಸುಂದರ ಮುತ್ತು

ಅದ ಸದಾ ಕೇಳಬೇಕೆನ್ನುವೆ ನಿನಗೂ ಗೊತ್ತು

ನಿನ್ನ ನೆನಪು ಕಾಡುತಿದೆ ಈ ಹೊತ್ತು

೪

ಮೌನವೇ ಎಲ್ಲ ಪ್ರಶ್ನೆಗಳಿಗೆ

ಉತ್ತರವಾಗಲು ಸಾಧ್ಯವೇ?

ತೂಕ ತಪ್ಪಿದ ಮಾತುಗಳಿಗಿಂತ

ಮೌನವೇ ಚೆನ್ನಲ್ಲವೇ?