ಚುಟಕಗಳು

೧

ನಗುವೊಂದು ಸುಂದರ ಆಭರಣ

ದೊರಕದದು ಕೊಟ್ಟರು ಎಷ್ಟು ಹಣ

ಉತ್ತಮ ಆರೋಗ್ಯಕ್ಕೆ ಅದು ಒಂದು ಕಾರಣ

ಕಳೆದುಕೊಳ್ಳದಿರಿ ಅದನ್ನು ವಿನಾಕಾರಣ

೨

ಪ್ರೀತಿಗೆಂದು ಕಟ್ಟಲಾಗದು ಬೆಲೆ

ಅದೆಂದಿಗೂ ಬತ್ತದ ಜೀವಸೆಲೆ

ಕಲಿಸುವುದಿಲ್ಲ ಅದನು ಯಾವ ಶಾಲೆ

ಇರುವುದದು ಎಂದೂ ಮನದಲ್ಲೆ

೩

ಒಂದು ಹನಿ ಪ್ರೀತಿ ಸಾಕು

ನಡುವೆ ಸ್ನೇಹ ಬೆಳೆಯಲು.

ನಿರಂತರ ಹನಿಯೂ ಬೇಕು

ಸ್ನೇಹ ಸತತ ಬೆಳೆಯಲು


೪

ಅಪ್ಪ ಅಮ್ಮ ಗುರು ಕಲಿಸುವರು

ಅರಿವಿನ ಪಾಠ

ಆದರೆ ಅನುಭವ ಕಲಿಸುವುದು

ಜೀವನಪಾಠ

೫

ನೆನ್ನೆಯ ತಪ್ಪಿಗೆ ಹುಡುಕುತ ಉತ್ತರ

ಇಂದೇಕೆ ಆಗಬೇಕು ತತ್ತರ

ಇದ್ದರೆ ನಾಳೆಯ ಬಗ್ಗೆ ಎಚ್ಚರ

ಬೆಳೆಯಬಹುದು ಇನ್ನು ಎತ್ತರ